- Tíðindi, mentan og ítróttur
Landsstýrismaðurin vil hitta kommunur
<div>Kári P. Højgaard, landsstýrismaður í kommunumálum, hevur nú skrivað til tær fýra kommunurnar, har sum meiriluti var fyri kommunusamanlegging á fólkaatkvøðuni 3.mai.</div><div><br></div><div>Landsstýrismaðurin vil fegin tosa við tey fýra kommunustýrini um úrslitið á fólkaatkvøðuni. Í brævinum biður hann kommunustýrini viðgera úrslitið, áðrenn fundurin verður við landsstýrismannin.</div><div><br></div><div>Kári P. Højgaard vónar, at hann kann hitta tey fýra kommunustýrini í næsta mánaði.</div><div><br></div><div>Talan er um Tvøroyrar kommunu og Fámjins kommunu og Runavíkar kommunu og Sjóvar kommunu.</div><div><br></div><div>Meiriluti var í fleiri kommunum fyri samanlegging, men eingin onnur kommuna í teirra øki tók undir við samanlegging, og tí er samanlegging ikki á skránni har júst nú.</div><div><br></div><div>Men Tvøroyri og Fámjin eru í sama øki og tað eru Runavík og grannakommunan við Skálafjørðin eisini. Tí ber til at leggja saman eftir lógini um sjálvbodna kommunusamanlegging, har sum landið er nýtt í sjey øki.</div><div><br></div><div>Fólkaatkvøðan var bara vegleiðandi. Lógin frá 2009 um sjálvbodna kommunusamanlegging er framvegis galdandi. Tað stendur tí øllum kommunum í hvørjum øki sær frítt at leggja saman.</div><div><br></div><div>Kári P. Højgaard sigur, at tað kemur ikki upp á tal at leggja kommunur saman við lóg. </div>
