- Tíðindi, mentan og ítróttur
Vilja ikki steðga sølu av fiskiloyvum
<div>Andstøðan fær ikki undirtøku frá samgonguni fyri uppskotinum um at steðga allari sølu av fiskiloyvum, eitt sonevnt "time-out", meðan verandi fiskivinnulóggáva verður endurskoðað.</div><div><br></div><div>Tað er greitt, nú lógaruppskotið frá øllum andstøðuflokkunum er komið aftur úr vinnunevndini.</div><div><br></div><div>Meirilutin, umboðini hjá samgonguni í vinnunevndini, mælir løgtinginum frá at samtykkja uppskotið.</div><div><br></div><div>- Uppskotið er ikki til gagns fyri okkara fiskivinnu, og uppskotið kann hava við sær, at peningastovnarnir fara at endurskoða síni lán í verandi skipum, umframt at tað fer at skaða møguleikarnar at fáa rakstrar- og íløgufígging í framtíðini, siga samgonguumboðini í sínum meirilutaáliti.</div><div><br></div><div>Samgonguumboðini siga eisini, at vinnan fer at skaða verandi eigarar og framtíðar fiskivinnu í Føroyum. Og harafturat vísa samgonguumboðini á, at landsstýrið arbeiðir við at broyta verandi fiskivinnulóggávu. </div><div><br></div>
