- Tíðindi, mentan og ítróttur
Ein gøla at íløgujáttanin ikki verður nýtt
<p>- Tað er ein gøla, at bert ein brotpartur av játtanini til íløgur á fíggjarlógini er brúktur higartil í ár.</p><div><br></div><div>Tað sigur Magnus Magnussen, formaður í Føroya Handverksmeistarafelag. </div><div><br></div><div>Eitt av endamálunum við at hækka íløgukarmin var at skapa virksemi í einari tíð, tá privati eftirspurningurin er lítil. Hetta endamálið verður sjálvandi ikki rokkið, um íløgurnar ikki verða settar í gongd, sigur Magnus Magnussen, sambært Vinnuhúsinum.</div><div><br></div><div><b>Bert 20-30 mió. kr. nýttar</b></div><div><br></div><div>Í ár eru játtaðar 266 milliónir krónur til íløgur. Av hesum eru umleið 55 milliónir játtaðar til skúladepilin í Marknagili. Harumframt vórðu nærum 100 milliónir krónur fluttar frá árinum fyri, men bert 20-30 milliónir krónur eru nýttar higartil.</div><div><br></div><div>Magnus Magnussen sigur, at tað er ein afturvendandi trupulleiki, at størri parturin av íløgujáttanini verður goymdur til seinna hálvár. Og nú møguleiki er at støðla ónýtta játtan, er ikki neyðugt at nýta peningin í tí fíggjarári, hann er játtaður.</div><div><br></div><div>Føroya Handverksmeistarafelag sigur, at miðfyrisitingin og almennu stovnarnir stríðast um, hvør hevur ábyrgdina av, at íløgurnar koma í drag. Men sama, hvør orsøkin er, eigur hetta ikki at koma fyri, sigur felagið.</div><div><br></div><div><b>Minkað ein fjórðing</b></div><div><br></div><div>Byggivinnan er í teirri støðu, at hon er minkað ein fjórðing seinastu árini, og ordrabøkurnar eru um at vera tómar. Tí er stórur tørvur á at halda virkseminum í gongd, sum løgtingið hevur samtykt.</div><div><br></div><div>- Verða íløgurnar lagdar væl til rættis og neyðugar raðfestingar gjørdar., er hetta eingin trupulleiki. Tíðin er komin at rudda upp, sigur Magnus Magnussen, formaður í Føroya Handverksmeistarafelag. </div><div><br></div>
