- Tíðindi, mentan og ítróttur
Danir harta Jørgen Niclasen í pensjónsmálinum
<div>Danska stjórnin vil hava, at tey okkurt um 75 fólkini, sum arbeiða fyri danska statin í Føroyum, verða undantikin broytingunum í pensjónslógunum í Føroyum.</div><div><br></div><div>Talan er um broytingina, sum kom á nýggjárinum, um at skatta inngjaldið av eftirlønini. Og uppskotið um eftirlønarlóg, sum er á veg.</div><div><br></div><div>Í brævi til Jørgen Niclasen fyri trimum vikum síðani sigur danski fíggjarmálaráðharrin, Bjarne Corydon, at staturin er bundin av sáttmálum við fakfeløg. Sambært hesum sáttmálum velja fakfeløgini sjálvi, hvat eftirlønarfelag skal fáa pengarnar frá limum felagsins.</div><div><br></div><div>Sambært eftirlønarlógini, sum er á veg, skal øll eftirløn hjá fólki, sum arbeiðir í Føroyum, vera í føroyskum feløgum.</div><div><br></div><div><b>Bað um stundir</b></div><div><br></div><div>Í brævinum nevnir danski ráðharrin ein fund, hann hevði við Jørgen Niclasen 12.desember í fjør. Har tosaðu teir millum annað um at skatta inngjaldið av eftirlønini.</div><div><br></div><div>Danska stjórnin bað um stundir og umstøður til at kanna, hvørjar avleiðingar ætlaða lógarbroytingin fór at fáa fyri fólkið hjá statinum í Føroyum.</div><div><br></div><div>Síðani gevur Bjarne Corydon hálva vegna ilt av sær. Hann skrivar, at hann hevur skilt, at løgtingið í desember samtykti lógina.</div><div><br></div><div>Lógin var tí sett í verk, uttan at staturin sum arbeiðsgevari, ella onnur, sum varða av málinum, eitt nú fakfeløgini, sum hava sáttmála við statin, fingu høvi til siga sína hugsan um lógaruppskotið, sum tey ikki fingu til hoyringar.</div><div><br><b>Ger seg inn á sáttmálar</b></div><div><br></div><div>Fíggjarmálaráðharrin sigur, at lóggávan í Føroyum ger seg inn á sáttmálarnar hjá statinum við fakfeløgini.</div><div><br></div><div>Danska Fíggjarmálaráðið hevur kunnað feløgini hjá starvsfólkunum. Feløgini fara at senda sínar viðmerkingar um eftirlønarlógina beinleiðis til landsstýrið.</div><div><br></div><div>Fíggjarmálaráðið er í ferð við at skriva svarið til danska fíggjarmálaráðharran, og tað verður væntandi sent fyrst í næstu vku.</div><div><br></div><div> </div>
