- Tíðindi, mentan og ítróttur
Semja um broytingaruppskot í makrelmálinum
<div>Samgonguflokkarnir fara fyrrapartin hvør sær at umrøða eitt broytingaruppskot um makrelbýtið.</div><div><br></div><div>Makrelbólkurin samdist í gjárkvøldið um eitt broytingaruppskot, sum skal samtykkjast við triðju viðgerð í løgtinginum í dag, so uppskotið um at selja 23.000 tons av makreli á uppboðssølu samstundis verður felt.</div><div><br></div><div>Kaj Leo Holm Johannesen, løgmaður vil ikki siga, hvat stendur í broytingaruppskotinum, men tað byggir á, at landskassin skal hava 128 milliónir kr. í tilfeingisgjaldi av makrelinum, soleiðis sum ætlanin hevur verið.</div><div><br></div><div>Um so nakað, ella einki skal seljast á uppboði, ella um pengarnir skulu fáast til vega á annan hátt, vil løgmaður ikki siga nakað um, so leingi sum flokkarnir viðgera uppskotið.</div><div><br></div><div>Men løgmaður sigur seg vera vísan í, at broytingaruppskotið verður samtykt í tinginum seinnapartin. Og tað er eitt krav, at øll samgongan tekur undir við broytingaruppskotinum, sigur hann.</div><div><br></div>
