- Tíðindi, mentan og ítróttur
Oljuprísurin farin niður um 100 dollarar
<p>Oljuprísurin fall í dag niður um 100 dollarar fyri tunnuna, og so lágur hevur prísurin ikki verið síðani februar í fjør.</p><div><br></div><div>Norðsjóvarolja varð fyrrapartin seld fyri 99,63 dollarar fyri tunnuna. Prísurin er lækkaður sløk tvey prosentstig.</div><div><br></div><div>Seinastu tveir mánaðirnar er oljuprísurin lækkaður 25 dollarar fyri tunnuna. </div><div><br></div><div>Norski oljugreinarin, Torbjørn Kjus, væntar tó, at oljuprísurin fer at hækka aftur seinna hálvár. Metingin sigur, at oljuprísurin hækkar upp í 110 ella 112 dollarar fyri tunnuna í triðja ársfjórðingi. </div><div><br></div><div>Torbjørn Kjus sigur við Nettavisen, at búskaparliga støðan í Grikkalandi fer at hava við sær, at prísurin hækkar, tí einki bendir á, at grikkar ætla at seta tiltøkini í verk, sum ES og altjóða gjaldoyragrunnurin, IMF, hava kravt fyri at lata landinum lán. </div><div><br></div><div><b>Størri inntøkur</b></div><div><br></div><div>Tá norska stjórnin legði fíggjarlógaruppskotið fram í fjør, varð roknað við, at oljuprísurin fór at vera 575 krónur fyri tunnuna. Men í endurskoðaðu fíggjarlógini, sum varð løgd fram 15. mai, verður roknað við einum oljuprísi, sum er 650 krónur. Í løtuni kostar oljan 613 norskur krónur fyri tunnuna.</div><div><br></div><div>Norski ríkiskassin væntar at fáa 378 milliardir krónur í inntøku frá oljuvinnuni í ár, og tað eru 26 milliardir krónur fleiri enn mett á fíggjarlógini. </div><div><br></div>
