Hýsan er horvin undan Føroyum

Fiskiskapurin er minkaður niður í einki, og í fjør var hann søguliga lágur

Fiskiskapurin eftir hýsu er søguliga vánaligur. Fiskimenn vísa á, at einki æti er, og svartfuglurin er eisin horvin.

06.06.2012 - 19:47

<div>Fiskiskapurin eftir hýsu í føroyskum sjógvi er minkaður støðugt síðani 2003. Í fjør var fiskiskapurin søguliga lágur, einans 3.500 tons vórðu fiskað í føroyskum øki.</div><div><br></div><div>Hagtøl hjá Hagstovuni vísa, at í fjør fiskaðu føroysk skip tilsamans 355.000 tons á øllum havleiðum, tað eru 40.000 tons færri enn árið fyri.</div><div><div><br></div><div>Serliga fiskiskapurin eftir toski og hýsu er minkaður í heildarveiðini seinnu árini. Toskurin er minkaður áleið eina helvt síðani 2003, og hýsunøgdin er hesa tíðina minkað heilt niður í umleið 6.000 tons. </div><div><br></div><div>Støðan er munandi verri, um vit tosa um fiskiskapin burturav undir Føroyum. Í fjør vórðu sløk 12.000 tons av toski fiskað, men hýsan er um at hvørva úr føroyskum sjógvi. </div><div><br></div><div>Í 2003 fiskaðu føroyingar góð 27.000 tons av hýsu, men í fjør bert ein sjeyndapart, ella 3.600 tons av hýsu.</div><div><br></div><div><div>Skiparin á trolbátinum Birtingi, Óli Sørensen, vísir á, at einki æti er, og at kalla eingin svartfuglur sæst longur.</div><div><br></div></div><div><br></div></div>