Kina ger íløgur í Grønlandi fyri milliardir

Avtalur verða undirskrivaðar, tá kinesiski forsetin kemur til Danmarkar á almenna vitjan í næstu viku

Kina ætlar at gera íløgur fyri fleiri hundrað milliónir í grønlendskar floghavnir, m.a. í Nuuk.

08.06.2012 - 09:56

<div>Kina ætlar at gera íløgur í Grønlandi, og væntandi verða avtalur undirskrivaðar, tá kinesiski forsetin, Hu Jintao, kemur á vitjan í Danmark hósdagin.</div><div><br></div><div>Kina ætlar at nýta milliardir av krónum til floghavnir og til havnina í Nuuk.</div><div><br></div><div>Kinesiski áhugin fyri Grønlandi er kveiktur, tí olja, gass og onnur evni eru í grønlendsku undirgrundini. Kina ger íløgur kring heimin, til tess at tryggja landinum rávørur í framtíðini. Í mong ár hevur Kina gjørt íløgur í afrikanskum londum, og hildið verður, at ein millión kinverjar starvast í Afrika.</div><div><br></div><div>Berlingske skrivar, at Kina hevur ætlanir at nýta 170 milliónir kr. til at útbyggja floghavnina í Nuuk og í Illulisat, og at nýta 640 miljónir kr. til eina nýggja floghavn í Qaqortoq í Suðurgrønlandi. Floghavnin skal avloysa verandi floghavn, sum amerikanarar bygdu undir seinna heimsbardaga.</div><div><br></div><div>Kina ætlar eisini at nýta 100 milliónir kr, til floghavnina í Syðra Streymfirði. Og 400 milliónir kr. skulu nýtast at útbyggja havnina í Nuuk.</div><div><br></div>