- Tíðindi, mentan og ítróttur
Danmark og Føroyar ósamd um at friða hval
<div>Føroyar eru ikki samdar við donsku stjórnina í einum máli, har Danmark ætlar at atkvøða fyri einum uppskoti um at friða ein part av Suðuratlantshavi fyri hvalaveiði.</div><div><br></div><div>Fríggjadagin sendi Kaj Leo Holm Johannessen, løgmaður, eitt bræv til Villy Søvndal, uttanríkisráharra Danmarkar, har heitt verður á uttanríkisráðharran um at broyta støðu í einum máli, sum kemur til viðgerðar í hvalaveiðinevndini.</div><div><br></div><div>Talan er um eitt mál at friða eitt øki í Suðuratlantshavi fyri hvalaveiði. Føroyski hugburðurin til hetta málið hevur verið, at tað er púra óneyðugt at gera eitt sokallað hvalareservat í hesum øki, tí ongin vinnulig hvalaveiða er í økinum. Talan er tí bara um signalpolitikk, sum ikki hevur nakað hald í veruleikanum.</div><div><br></div><div>Føroyski óttin er, at tað ikki eigur at bera til at friða, uttan at hetta er grundað á vísindaligt skjalatilfar.</div><div><br></div><div><b>Danir hálsa um</b></div><div><br></div><div>Danska sendinevndin í IWC hevur fyrr verið ímóti hesum uppskoti, men ætlar nú at atkvøða fyri.</div><div><br></div><div>Í skrivinum til Villy Søvndal fríggjadagin vísir løgmaður á, at hóast Føroyar ikki hava og neyvan fara at hava nakran áhuga fyri at reka vinnuliga hvalaveiði í Suðuratlantshavi, so byggir føroyska mótstøðan á týdningarmikil prinsipp fyri okkum sum fiskivinnutjóð, tí uppskotið leggur upp til eina friðing í allar ævir, eisini um hvalaveiða einaferð kann rekast á burðardyggan hátt.</div><div><br></div><div>Prinsipiella føroyska mótstøðan er sostatt óttin fyri, at hesin hugburður kann førkast yvir á fiskivinnuna.</div><div><br></div><div><b>Í samráð</b></div><div><br></div><div>Í morgin er danski uttanríkisráðharrin, Villy Søvndal, boðsendur í samráð í umhvørvisnevndini hjá Fólkatinginum at tosa um júst donsku tilmælini til fundin í altjóða hvalaveiðinevndini.</div><div><br></div><div>Í brævinum til Villy Søvndal skrivar Kaj Leo Holm Johannessen, løgmaður, at hann vónar, at uttanríkisráðharrin vil brúka fundin til at staðfesta, at danska sendinevndin tekur støðu í samsvari við føroysku og grønlendsku ynskini, og tekur støðu ímóti uppskotinum. </div><div><br></div><div>Fundurin í aljtóða hvalaveiðunevndini verður í Panama býi frá 2. til 6. juli. Føroyar senda eingi umboð á fundin. </div><div><br></div><div><br></div><div><br></div><div><br></div><div><br></div><div><br></div><div><br></div>
