Linari sparitiltøk á Landssjúkrahúsinum

Ambulant viðgerð og útbygd økispsykiatri gera, at inntrivini fara ikki at merkjast so væl í summar

Fleiri ambulantar viðgerðir hava við sær, at tørvurin á seingjarplássum á Landssjúkrahúsinum í summar minkar.

18.06.2012 - 15:18

<p>At fleiri sjúklingar verða viðgjørdir ambulant, og økispsykiatriin er ment, fara sparitiltøk á Landssjúkrahúsinum í summar ikki at merkjast so væl sum undanfarin ár.</p><div><br></div><div>Naina Túgvustein, varastjóri á Landssjúkrahúsinum, sigur við Dimmalætting, at tað slepst ikki undan at steingja onkra deild á medisinska deplinum í summar, men tíðarskeiðið, deildin verður stongd, verður styttri enn vanligt. Játtanin til deildina er óbroytt, men av tí at fleiri fáa ambulanta viðgerð, minkar tørvurin á seingjarplássum.</div><div><br></div><div>Á skurðdeildini verður eisini minni virksemi í summar, men har ber betur til at leggja til rættis, nær skurðviðgerðir skulu vera.</div><div><br></div><div>Okkurt summar hava deildir á psykiatrisku deild verið stongdar, og fólk eru send til hús. Men hetta er farin tíð, sigur Naina Túgvustein.</div><div><br></div><div>- Vit hava bygt økispsykiatriina út, m.a. í Norðoyggjum, so fólk fáa hjálp í egnum heimi. Deildin, sum varð stongd seinast, eru umskipað til dag- og kvøld-deild, har fólk altíð kunnu koma. Skipanin er sett í verk, og summarið fer ikki at ávirka virksemið á deildini, sigur Naina Túgvustein, varastjóri á Landssjúkrahúsinum við Dimmalætting.</div>