- Tíðindi, mentan og ítróttur
Fiskidagar eftir toski og hýsu skerjast 20 prosent
<p>Havstovan mælir til at skerja fiskidagatalið hjá skipabólkum, ið serliga fiska tosk og hýsu, 20 prosent næsta fiskiár. </p><div><br></div><div>Tað eru bólkur 3, 4 og 5.</div><div><br></div><div>Mælt verður til, at fiskadagatalið hjá bólki 2, ið fiskar upsa, verður óbroytt, men eingin vinnuligur fiskiskapur eigur at verða loyvdur á Føroyabanka, grynri enn 200 m.</div><div><br></div><div>Havstovan hevur latið landsstýrismanninum í fiskivinnumálum sítt tilmæli í sambandi við fiskiárið, sum byrjar 1. september.</div><div><br></div><div>Havstovan mælir til, at gýtingarfriðingarnar fyri tosk á landgrunninum og upsa undir Føroyum galda fyri allar veiðihættir. Til tess at verja yngstu árgangir av serliga toski, eiga smáfiskaleiðirnar framvegis at verða friðaðar. </div><div><br></div><div><b>ICES-tilmælið grundarlagið</b></div><div><br></div><div>Ráðgevingin hjá Havstovuni tekur støði í stovnsmetingunum av botnfiski hjá ICES, sum vórðu kunngjørdar herfyri.</div><div><br></div><div>ICES mælir til, at veiðutrýstið á tosk minkar 63 prosent, og at eingin toskafiskiskapur verða á Føroyabanka. ICES mælir eisini frá hýsufiskiskapi, og veiðutrýstið eftir upsa eigur at minka 44 prosent. </div>
