- Tíðindi, mentan og ítróttur
Byggja nýggjan skúla á Ziskatrøð
<div>Býráðið í Klaksvík samtykti í gjárkvøldið, at nýggjur skúli skal byggjast fyri tann gamla og slitna skúlan á Ziskatrøð. </div><div><br></div><div>Ætlanin er, at forprojektið til nýggja skúlan kann verða gjørt næsta ár, og at arbeiðið kann byrja í 2014, tá peningur verður játtaður til byggingina. </div><div><br></div><div>Spurningurin, um tað í framtíðini skulu verða ein ella tveir skúlar í Klaksvík, hevur verið nógv umrøddur. Men fyrst í hesum árinum gjørdi býráðið eina samtykt um, at tveir skúlar við tveimum sporum skulu vera í Klaksvík. </div><div><br></div><div>Gunvá við Keldu, borgarstjóri, sigur, at kortini er ætlanin, at nýggi Ósáskúlin, sum var endaliga liðugur í fjør, og ein nýggjur skúli á Ziskatrøð, skulu samstarva á økjum, har tað ber til at samstarva. </div><div><br></div><div>Tveir ymiskir prísir hava verið nevndir fyri nýggja skúlan á Ziskatrøð. Tað veldst um, hvussu nógv samstarv verður millum skúlarnar báðar. Tann bíligara útgávan kostar 68 milliónir, og tann dýrara kostar 105 milliónir krónur.</div><div><br></div>
