Assad: Vit eru í kríggj

Sýrialendski forsetin fer at herða stríðið, men USA heldur, at hann er um at missa takið í landinum

Sýrialendski forsetin sigur, at hann fer at gera alt, hann er mentur, at vinna kríggið móti uppreistrarherinum.

27.06.2012 - 11:25

<p>Umstríddi forsetin í Sýrialandi, Bashar al-Assad, sigur nú, at Sýrialand er í kríggj, sum hann ætlar at vinna.</p><div><br></div><div>- Krígsstøða er í landinum, og tá tú ert í kríggj, eigur alt at verða gjørt til tess at vinna tað, sigur al-Assad sambært sýrialendsku tíðindastovuni Sana.</div><div><br></div><div>Sostatt bendir alt á, at stríðið móti uppreistrardeildunum fer at harðna. Hildið verður, at 15.000 fólk eru deyð, og at í minsta lagi ein hálv millión fólk eru flýdd.</div><div><br></div><div>Assad vísir aftur áheitanini úr vesturheiminum um at leggja frá sær.</div><div><br></div><div>- Vesturheimurin tekur og letur ongantíð, og tað er prógvað, sigur sýrialendski forsetin. </div><div><br></div><div>USA heldur kortini, at forsetin er um at missa takið í landinum. Tað sigur ein talsmaður fyri Barack Obama, forseta, eftir at ein sýrialendskur generalur, tveir oberstar og fleiri enn 30 hermenn sunnudagin flýddu til Turkalands. </div><div><br></div><div>- Fleiri hernaðarleiðarar eru flýddir til Jordan og Turkalands, og tað er tekin um, at stjórnin er um at missa tamarhaldið, sigur talsmaðurin, Jay Carney. </div>