- Tíðindi, mentan og ítróttur
Norskur skipari: Føroyingar hava rætt til makrelin
<div>Norska fiskivinnan ger alt ov nógv av í stríðnum móti føroyingum um makrelin.</div><div><br></div><div>Tað heldur ein fyrrverandi norskur skipari og reiðari, sum hevur fiskað nógvan makrel í føroyskum sjógvi.</div><div><br></div><div>Norska blaðið Fiskeribladet/Fiskaren hevur í dag samrøðu við skiparan, Arne Solheim, sum heldur, at norska reiðarafelagið eigur at vera meira fyrikomandi mótvegis føroysku krøvunum, tí makrelurin hevur verið í føroyskum sjógvi í mong ár.</div><div><br></div><div>Arne Solheim hevur drúgvar royndir við makrelfiskiskapi í føroyskum sjógvi. Síðani sekstiárini hevur hann roynt eftir bæði makreli og sild um okkara leiðir og í íslendskum sjógvi. </div><div><br></div><div><b>Nógvur makrelur uppií</b></div><div><br></div><div>Arne Solheim greiðir í Fiskeribladet/Fiskaren frá, at longu í sekstiárunum, tá teir royndu eftir sild undir Íslandi og við Føroyar, var nógvur makrelur uppi í veiðuni. Tí áttu norskir myndugleikar at vitað, at makrelur altíð hevur verið í íslendskum og føroyskum sjógvi. Hetta er ikki nakað nýtt, tí veiðan varð fráboðað gjøgnum Norges Sildesalgslag.</div><div><br></div><div>Hann veit eisini at siga, at seint í sjeytiárunum staðfestu norsku nótaskipini, at makrelurin hvarv úr ES-sjógvi eystan fyri Hetland - tá funnu teir makrelin í føroyskum sjógvi.</div><div><br></div><div><b>Funnin í Smoguni</b></div><div><br></div><div>Arne Solheim veit eisini at siga, at í 1986, tá makrelurin hvarv úr norskum sjógvi, funnu teir hann í Smoguni norðan fyri Føroyar. Tí heldur hann, at norsku krøvini mótvegis hava verið eintáttað, tí makrelurin hevur ferðast langar leiðir í "fleiri Harrans ár", sum hann tekur til.</div><div><br></div><div>- Tí fái eg vaml, tá eg hoyri reiðarafelagið - Fiskebåtredernes Forbund - grundgeva so eintáttað fyri sínum krøvum, sigur Arne Solheim sambært Fiskeribladet/Fiskaren.</div><div><br></div><div>Blaðið hevur eisini tosað við skotska fiskimálaráðharran, Richard Lochhead, ið vitjaði norska starvsfelaga sín fyrr í vikuni.</div><div><br></div><div>Lochhead ásannar, at føroyingar og íslendingar hava eitt løgborið - legitimt - krav um part í kvotuni, men tað kann ikki halda fram sum nú, har føroyingar og íslendingar hótta makrelstovnin við at áseta sær so stórar kvotur, sigur skotski fiskimálaráðharrin.</div>
