Eingin meiriluti fyri at friða hval

Eitt uppskot um at skipa ein part av Atlantshavinum sum náttúrureservat fyri hval fall á ársfundinum hjá altjóða hvaleviðinevndini

Fleiri atkvøður vóru fyri enn ímóti at friða hval í sunnara parti av Atlantshavinum, men skipanin í IWC krevur, at 75 prosent av atkvøðunum skulu vera fyri. Tí fall uppskotið.

Ingi Samuelsen

Johnsigurd Johannesen

03.07.2012 - 09:52

<div>Tað eydnaðist ikki londunum á sunnaru hálvu at fáa eitt uppskot samtykt í altjóða hvalaveiðinevndini, IWC, um at skipa sunnara part av Atlantshavinum sum eitt náttúrurufriðland - reservat - fyri hvalir.</div><div><br></div><div>Altjóða hvalaveiðunevndin hevur leingi verið ósamd í hesum málinum, og ósemjan vísti seg aftur bert fáar tímar eftir, at ársfundurin í hvalaveiðunevndini byrjaði í Panama býi.</div><div><br></div><div>Argentina, Brasilia, Uruguay og Suðurafrika løgdu fram eitt uppskot um at friða alt sunnara Atlantshav fyri hvalaveiðu. Talan er um eina súmbolska skipan, tí eingin hvalaveiða frammanundan er á hesum leiðum.</div><div><br></div><div>38 limalond atkvøddu fyri uppskotinum, 21 ímóti, og tvey lond atkvøddu hvørki fyri ella ímóti.</div><div><br></div><div>Sambært skipanini hjá IWC skal eitt uppskot hava undirtøku frá 75 prosentum av londunum fyri at verða samtykt. Sostatt fall uppskotið.</div><div><br></div><div><br></div>