- Tíðindi, mentan og ítróttur
Stevningin móti Eik-fólkum í Føroyum skrivað
<div>Advokaturin, sum varð biðin um at skriva stevningarnar eftir endurgjaldi frá Eik- fólkunum, hevur latið Fíggjarligum støðufesti stevningarnar.</div><div><br></div><div>- Eg eri liðugur við mítt arbeiði. </div><div><br></div><div>Meiri vil Carsten Fode, advokatur, ikki siga um ætlaðu stevningarnar móti teimum, sum ráddu fyri borgum í føroyska partinum av gamla Eik banka.</div><div><br></div><div>Carsten Fode vísir annars til Fíggjarligt støðufesti. Tað eydnaðist ikki fyrrapartin at fáa at vita frá Fíggjarligum støðufesti, hvat tey nú gera. </div><div><br></div><div>Fyrst í juni segði Carsten Fode, sum fyri Fíggjarligt støðufesti fyrireikaði stevning móti bankaleiðsluni, við Útvarpið, at arbeiðið bleiv liðugt fyri 1.juli. Í gjár segði hann, at hann er liðugur við arbeiðið. Annað enn tað vildi hann ikki upplýsa um málið.</div><div><br></div><div><b>Stevnd eftir 250 mió. kr.</b></div><div><br></div><div>Í desember í fjør var Carsten Fode liðugur at fyrireika rættarmálið móti leiðsluni í danska partinum av gamla Eik Banka. Har eru átta fólk stevnd eftir 250 milliónum krónum.</div><div><br></div><div>Sakarkravið byggir á advokatkanningina, sum Carsten Fode gjørdi fyri Fíggjarligt støðufesti í fjør summar. </div><div><br></div><div>Kanningin staðfesti eisini, at tað er rætt at krevja endurgjald frá føroyskum stjórum og nevndarlimum og grannskoðarum fyri ikki at halda sína lógarásettu skyldu. Millum annað 12 nevndarlimir, sum skrivaðu undir roknskapir hjá Eik, vóru á listanum hjá Carsten Fode.</div><div><br></div><div><b>Fíggjareftirlitið kannar eisini</b></div><div><br></div><div>Fyri einum góðum ári síðani boðaði danska Fíggjareftirlitið frá, at tað kannaði eisini Eik, bæði Eik í Føroyum og Eik í Danmark.</div><div><br></div><div>- Vit gera okkara egnu kanning, um lógarbrot eru framd, segði Julie Galbo, varastjóri í Fíggjareftirlitinum. </div><div><br></div><div>Kanningin hjá Fíggjareftirlitinum er ikki liðug enn, sigur Søren Møller Christensen, kunningarstjóri. Hann sigur, at tey miða eftir at vera liðug í ár. </div><div>Fíggjareftirlitið kannar, um leiðslan í Eik í Føroyum og í Eik í Danmark hevur svikið, um talan er um "ledelsessvigt". </div><div><br></div><div>Heldur Fíggjareftirlitið, at lógarbrot eru framd, fer tað at leggja tilmæli um at melda tey, sum høvdu ábyrgdina, til politiið fyri Det Finansielle Virksomhedsråd. Det Finansielle Virksomshedsråd er ovasti avgerðarmyndugleiki í prinsipiellum eftirlitsmálum og eftirlitsmálum, sum hava týdning í framtíðini.</div><div><br></div><div>Tað ráðið tekur so støðu til, um nakar skal meldast. </div><div><br></div>
