- Tíðindi, mentan og ítróttur
Taks avskrivað 65 mió. kr. í mvg-skuld
<div>TAKS fer at strika fleiri tíggjutals milliónir í meirvirðisgjaldi, tí vónleyst er at fáa pengarnar í landskassan. Somu fyritøkur hava skyldað MVG í nógv ár, onkur frá fyrsta árinum, vit høvdu meirvirðisgjald í Føroyum. Ein fyritøka skyldar níggju milliónir í meirvirðisgjaldi. </div><div><br></div><div>Tann 18.juni átti TAKS 108 milliónir krónur til góðar í meirvirðisgjaldi. Tað er munurin millum sølu-mvg og keyps-mvg, sum skal latast landskassanum. </div><div> </div><div>Tað sigur Landsgrannskoðanin í einum uppriti um MVG-eftirstøður til Løgtingsgrannskoðararnar.</div><div> </div><div>773 virki og einstaklingar skylda mvg, 15 skylda meira enn eina mió.kr. hvør, tilsamans 36,7 mió. kr. Tað er ein triðingur av skuldini. Størsta eftirstøðan 18.juni var 9 milliónir krónur.</div><div><br></div><div><b>Nógv vaksið síðani 2009</b></div><div><br></div><div>Frá 2002 til 2008 vóru eftirstøðurnar millum 5 og 6,5% av inntøkunum av meirvirðisgjaldi. Men í 2009 fara eftirstøðurnar at vaksa. Við árslok 2009 vóru eftirstøðurnar 7,9%, í 2010 9,5% og í 2011 fóru tær upp um tíggju prosent av MVG-inntøkunum. </div><div> </div><div>Í fjør gjørdi TAKS eina kanning, sum vísti, at byggivinnan eigur triðingin av eftirstøðunum. </div><div><br></div><div>Meirvirðisgjaldið kom í 1992. Longu árið eftir, í 1993, var eftirstøðan 30 milliónir. Landsgrannskoðanin kannaði 15 mvg-mál í 2006. Nakrar eftirstøður tá stavaðu frá 1992. Og nú, í 2012, eru somu skuldarar framvegis millum teir størstu. </div><div><br></div><div>Landsgrannskoðanin hevur fingið eitt dømi frá TAKS. Ein fyritøka skyldar 2,8 mió.kr. Skuldin stavar frá 1995. TAKS pantar skuldina regluliga fimta hvørt ár fyri at slíta fyrningarfreistina. Allar pantingarnar higartil hava verið úrslitaleysar. Skuldin økist hvønn mánað við rentutilskriving. Rentuparturin av skuldini er nú 2,4 milliónir.</div><div><br></div><div><b>Hava avskrivað 65 mió. kr.</b> </div><div><br></div><div>Frá 2005 til 2011 hevur avskrivað TAKS 64,7 mió.kr. av MVG-skuld.</div><div> </div><div>TAKS kann strika skuldina, um skuldarin hevur fingið skuldarumlegging frá skuldarumskipanarnevndini, skuldarsanering, ella um felagið er strikað í partafelagsskránni, av tí at felagið er tikið av, og eingin peningur er at gjalda MVG-krøvini. </div><div><br></div><div>TAKS væntar at skula strika 33 milliónir afturat í næstum.</div><div><br></div><div>Fyrr í ár fekk TAKS størri heimildir frá løgtinginum at fara eftir teimum, sum skylda meirvirðisgjald. </div><div> </div><div> </div><div><br></div>
