- Tíðindi, mentan og ítróttur
Føroyskir lundar í djóragarðinum í Keypmannahavn
<div>Lundar úr Skúgvi eru partur av nýggjum arktiskum øki, sum letur upp í djóragarðinum í Keypmannahavn.</div><div><br></div><div>Saman við álkum og lomvigum fara føroysku lundarnir at búgva í einum eftirgjørdum fuglabergi, har gras veksur, og lundaholur eru bygdar. Eisini sleppa lundarnir at svimja og kava eftir føði, sigur Flemming Nielsen, samskipari í djóragarðinum í Keypmannahavn.</div><div><br></div><div>Í fjør vár vóru djóraansarar úr djóragarðinum eftir 48 eggum í Skúgvi, sum síðani vórðu klakt í klekingarmaskinum í Danmark. Bert 17 pisur komu úr eggunum, og nakrar doyðu stutt eftir. Nú eru 12 ára gamlir lundar eftir, og teir hava tað gott, sigur Flemming Nielsen.</div><div><br></div><div>Tað eru 75 ár síðan, at lundar úr Føroyum vóru í djóragarðinum í Keypmannahavn.</div><div><br></div><div>Nýggja arktiska økið í djóragarðinum letur upp í heyst.</div>
