- Tíðindi, mentan og ítróttur
Lafayette sleppur at taka ímóti makreli
<div>Lafayette sleppur aftur í ár at taka í móti makreli í føroyskum sjógvi.</div><div><br></div><div>Sp/f Fjord Fishing and Finance Company á Glyvrum fekk týsdagin eina forhondstilsøgn um móttøkuloyvi frá Fiskimálaráðnum. </div><div><br></div><div>Samstundis hevur Thor fingið forhondstilsøgn um móttøkuloyvi til skipini Jose Marti og Kai Yu. Loyvið umfatar makrel og hjáveiðu, sum ikki slepst undan, fyrst og fremst sild. </div><div><br></div><div><b>Skulu halda treytirnar fyrst </b></div><div><br></div><div>Móttøkuloyvini verða útskrivað, tá skipini eru komin í føroyskan sjógv, og tá tað er staðfest, at treytirnar fyri at fáa loyvið eru hildnar, skrivar Fiskimálaráðið í forhondstilsøgnini. </div><div> </div><div>Fiskimálaráðið endar brævið við at kunna umsøkjararnar um, at tá móttøkuloyvið verður givið, verður fráboðan send NEAFC um, at skipið hevur fingið loyvi frá føroyskum myndugleikum at taka ímóti makreli í føroyskum sjógvi. </div><div><br></div><div>Hetta verður gjørt fyri at taka atlit at teimum ivaspurningum, sum tóku seg upp í fjør, tá tvey skip undir flaggi hjá ikki-NEAFC limalondum, sum tóku móti makreli frá føroyskum skipum í føroyskum sjógvi, vórðu sett á lista hjá NEAFC undir illgruna fyri ÓÓÓ virksemi í NEAFC sáttmála økinum. Tey trý Óini standa fyri ólógligt, ófráboðað og óregulerað fiskarí.</div><div><br></div><div>Umframt tey trý útlendsku skipini, sum higartil hava fingið loyvi at taka í móti makreli, hava fimm føroysk skip fingið móttøkuloyvi frá Fiskimálaráðnum. Tey eru Høgaberg, Atlantsfarið, Farið, Næraberg og Saksaberg. </div><div> </div><div><br></div>
