- Tíðindi, mentan og ítróttur
Missa dagar: Ov nógv sild uppií
<div>Fýra ísfiskatrolarar sleppa ikki at fiska í 10 dagar, tí teir høvdu ov nógva sild sum hjáveiðu, tá teir fiskaðu makrel.</div><div><br></div><div>Loyvt er at hava í mesta lagi 10 prosent av sild sum hjáveiðu. Men Rókur og Lerkur og eisini Stelkur og Bakur høvdu nógv meira enn tað, upplýsir Fiskiveiðueftirlitið. </div><div><br></div><div>Teir fýra trolararnir landaðu til Høgaberg, sum fyribils er einasta móttøkuskip á feltinum. </div><div><br></div><div>Enn eru annars bara nótaskipini farin eftir makreli. Tey hava sildakvotu, so hjá teimum er støðan viðvíkjandi hjáveiði ein onnur. Sildin, sum kemur við makrelinum, fer av sildakvotuni hjá skipunum.</div><div><br></div><div>Skipini royna eftir makreli norðan fyri Føroyar. Fitt av sild er uppií, meira enn hesa tíðina í fjør, upplýsir Fiskiveiðueftirlitið. </div><div><br></div><div>Leiðin, sum skipini royna á nú, varð stongd seint í juli í fjør, tí so nógv sild var har. </div><div><br></div><div><b>Smábátar fáa makrelloyvi</b></div><div><br></div><div>Fiskimálaráðið skrivar framvegis út makrelloyvi. Nú fáa smábátarnir loyvi. Teir hava felagskvotu, sum er 3.000 tons. Hvør bátur kann tó í mesta lagi fiska 300 tons.</div><div><br></div><div>Millum bátarnar í bólki 5B, sum júst hava fingið makrelloyvi, er tann navnframi Herbjørg á Glyvrum. </div><div><br></div><div>Tað var tann báturin hjá smápartafelagnum Fjord Fishing and Finance Company, sum keypti at kalla allan makrelin, sum varð seldur á uppboðssøluni í fjør.</div><div><br></div><div>Í ár er eingin uppboðssøla. </div>
