Fekk onga kunning frá dønum um stongdar støðir

Hóast politiið er felagsmál, fekk landsstýrið onga kunning um avgerðina um at hava politistøðirnar í Runavík og Klaksvík stongdar fríggjadag.

Kári P. Højgaard, landsstýrismaður, hevur onga kunning fingið um hví politistøðirnar í klaksvík og Runavík ikki skulu hava opið fríggjadagar.

Høgni Djurhuus

15.07.2012 - 20:27

<div>Tað sigur landsstýrismaðurin í innlendismálum, Kári P. Højgaard. </div><div><br></div><div>Í felags opnum brævi til landsstýrismannin í innlendismálum og fútan krevja Magnus Rasmussen, borgarstjóri í Runavík, og Gunvá við Keldu, borgarstjóri í Klaksvík, at politistøðirnar í Runavík og Klaksvík veita borgarunum í økinum betri tænastur, ítøkiliga við at hava opið hvønn yrkadag.</div><div><br></div><div>Magnus Rasmussen og Gunvá við Keldu siga seg hava fingið lyfti um á kunnandi fundi 22.september í fjør, at hóast bygnaðarbroytingar hjá politinum, fóru politistøðirnar framhaldandi at vera opnar hvønn yrkadag.</div><div><br></div><div>Kári P.Højgaard sigur, at í felagsmálum eigur landsstýrið at verða kunnað um broytingar, men hendan kom ongantíð til hann, sigur hann í samrøðu við Kringvarp Føroya.</div>