Føroyar sleppa kortini við at tosa um makrel

Kanska verða Føroyar kortini við á ráðharrafundinum um makrel í London tann 3.september

Føroya sleppa kortini við á makrelfundin í London, sum Maria Damanaki hevur kallað inn til.

25.07.2012 - 09:54

<div>Fyrst í juli boðaðu Maria Damanaki, fiskivinnukommisserur hjá ES, og Lisbeth Berg-Hansen, fiskimálaráðharri í Norra, frá, at ráðharrafundur millum ES, Norra og Ísland um makrel verður í London 3.september. Føroyar vóru ikki nevndar yvirhøvur í fráboðanini.</div><div><br></div><div>Men Útvarpið veit, at nú stendur føroyingum í boði at vera við kortini. </div><div><br></div><div><b>Norski samráðingarleiðarin tikið samband</b></div><div><br></div><div>Norski samráðingarleiðarin í makreltrætuni, Ann Kristin Westberg, hevur spurt føroyska samráðingarleiðaran, Andrass Kristiansen, um Jacob Vestergaard, landsstýrismaður, og embætisfólk hansara hava hug at koma til London at tosa um makrel fyrst í september.</div><div><br></div><div>Næsta samráðingarumfar, tað 14. seinastu trý árini, millum strandarlondini um makrel er annars ásett at vera 22. og 23.oktober í London.      </div><div> </div>