- Tíðindi, mentan og ítróttur
Nýggja uppsjóvarpumpan vekur ans í Noregi
<div>Torstein Solem, leiðari hjá Pelagisk forening, sigur við Fiskeribladet Fiskaren, at føroyska pumpan er ein gleðilig nýskapan. Men samstundis er hon so effektiv, at hon er ræðandi, nú framvegis eingin semja er millum strandarlondini um makrelin, sigur Torstein Solem, sum samanber pumpuna við ein dustsúgvara.</div><div><br></div><div>Torstein Solem útilokar ikki, at norðmenn eisini fara at royna pumpuna, men partroling er ikki so vanlig í Norra sum í Føroyum.</div><div><br></div><div><b>Krevur trý skip</b></div><div>Nýggja pumpan krevur trý skip. Tvey skip toga og triðja skipið pumpar fiskin umborð, so skjótt hann kemur í trolið. </div><div><br></div><div>Fiskurin fer livandi í tangarnar, har hann verður køldur. Betri prísur fæst fyri fiskin, tí hann er betri enn fiskur, sum hevur ligið í trolinum í nakrar tímar, áðrenn hann kemur í tangarnar. </div><div><br></div><div>Longu tá pumpan varð roynd fyrstu ferð, fekk KJ Hydraulikk í Fuglafirði, sum ger pumpuna, fyrispurningar úr øðrum londum.</div>
