Trý feløg biðin um at bjóða upp á brúnna

Gongst sum ætlað verður nýggja brúgvin um Sandá liðug um tvey ár

Soleiðis hugsar Tórshavnar kommuna sær, at brúgvin um Sandá fer at síggja út, tá hon verður liðug um tvey ár.

06.08.2012 - 10:15

<div>Trý byggifeløg eru biðin um at geva tilboð upp á brúnna um Sandá. </div><div><br></div><div>Tórshavnar kommuna hevur biðið J & K Petersen Contractors, Articon og TG-Verk bjóða upp á arbeiðið, sum skal byrja hálvan januar næsta ár og vera liðugt síðst í mai í 2014.</div><div><br></div><div>- Verkætlanin umfatar brúgv, vegargerð og rundkoyringar báðu megin brúnna, har sum nýggja vegarsambandið um Sandá verður bundið í Velbastaðvegin havnarmegin og í Reynsgøtu argjamegin.</div><div><br></div><div>Tað sigur Bogi Andreasen, sum er borgarstjóri í Havn í tvær vikur, meðan Heðin Mortensen er í summarfrí.</div><div><br></div><div><b>Krevjandi verkætlan</b></div><div><br></div><div>Hann sigur, at verkætlanin er stór og krevjandi. Tí avgjørdi býráðið at bjóða arbeiðið út í innbodnari heildararbeiðstøku. Tilboðsgevararnir kappast ikki bara um prís, men eisini um sniðgeving, tilfar, dygd, viðlíkahald og annað.</div><div><br></div><div>Byggifeløgini hava freist til 12.oktober at koma við tilboði. </div><div><br></div><div>Higartil eru 15 milliónir settar av til arbeiðið. Tá tilboðini eru komin, og prísurin er kendur, verður tað, sum skal játtast afturat fyri at gera arbeiðið, sett í fíggjarætlanirnar hjá Tórshavnar kommunu fyri 2013 og 2014, sigur Bogi Andreasen, borgarstjóri.</div><div><br></div><div><br></div>