- Tíðindi, mentan og ítróttur
Rætta løtan at gevast
<p>- Hetta er rætta løtan at leggja frá sær.</p><div><br></div><div>Tað sigur Pia Kjærsgaard, sum á landsfundinum hjá Danska Fólkaflokkinum í september fer at leggja frá sær sum forkvinna. Hon vísir á Kristian Thulesen Dahl, fólkatingsmann, sum nýggjan formann í flokkinum.</div><div><br></div><div>Pia Kjærgaard sigur við Berlingske, at mangan leggja floksleiðarar frá sær, tí teir verða tvingaðir til tað, ella tí at teir hava tapt eitt val.</div><div><br></div><div>- Eg havi hugsað, at eina slíka støðu skal eg ikki koma í, sigur Pia Kjærsgaard. </div><div><br></div><div><b>28 ár í politikki</b></div><div><br></div><div>Hon hevur verið 28 ár í donskum politikki. Í 10 ár var hon politisk framsøgukvinna í Framburðsflokkinum, sum Mogens Glistrup stovnaði, og seinastu 17 árini hevur hon verið leiðari í Danska Fólkaflokkinum.</div><div><br></div><div>Kristian Thulesen Dahl, sum Pia Kjærsgaard vil hava sum eftirmann sín, var eisini við til at stovna Danska Fólkaflokkin í 1995. </div><div><br></div><div>Hóast Pia Kjærsgaard gevst sum floksleiðari, ætlar hon ikki at gevast í politikki. Hon stillar uppaftur til næsta fólkatingsval. </div><div><br></div>
