Vil hava ríkisfelagsskapin á ríkisfund

Gunvør Balle, løgtingskvinna, hevur sett løgmanni fyrispurning um ríkisfelagsskapin, nú hann hevur sagt, avtalan eigur at verða endurskoðað

Gunvør Balle heldur, at ríkisfundurin í Grønlandi er gylt høvi hjá løgmanni at reisa spurningin um framtíðarviðurskiftini millum Føroyar og Danmark.

Johnsigurd Johannesen

08.08.2012 - 12:45

<p>Ríkisfundurin í Grønlandi seinni í hesum mánaðinum er gylt høvi at viðgera spurningin um at endurskoða ríkisfelagsskapin.</p><div><br></div><div>Tað heldur Gunvør Balle úr Tjóðveldi, sum hevur sett løgmanni ein grein 52 spurning, sum skal svarast skrivliga.</div><div><br></div><div>Gunvør Balle vísir á, at Kaj Leo Holm Johannesen, løgmaður, í røðu síni á ólavsøku boðaði frá, at hann vil hava eina nýggja avtalu millum Føroyar og Danmark.</div><div><br></div><div>Hon spyr løgmann, um hann ætlar at taka spurningin til viðgerðar á ríkisfundinum hesaferð, og um hann ætlar at arbeiða við at fáa eina breiða semju millum allar flokkar um, hvussu ein nýggj skipan milllum Føroyar og Danmark skal sígga út. </div><div><br></div><div> </div>