Framvegis vøkstur í lønargjaldingunum

Gott 600 milliónir krónur vórðu goldnar í lønum í juli, og tað er tað mesta síðani apríl 2008

Í juli rindaðu fiski- og alivinnan meiri enn 120 mió. krónur í lønum.

13.08.2012 - 16:35

<p>Tað er framvegis vøkstur í lønargjaldingunum.</p><div>Í juli vóru árstíðarjavnaðu lønargjaldingarnar 605 milliónir krónur. Tað eru níggju milliónir fleiri enn í juni, og vøksturin er hálvt annað prosent, uppysir Hagstovan.</div><div><br></div><div>Síðani miðskeiðis í fjør eru fleiri lønir goldnar, og lønirnar í juli vóru tær mestu síðani apríl 2008.</div><div><br></div><div><b>Størsti vøkstur í fiski- og alivinnuni</b></div><div><br></div><div>Tað eru fiski- og alivinnan, sum hava havt størsta vøksturin seinasta hálva árið. Fiskivinnan rindaði umleið 110 milliónir krónur um mánaðin frá februar til mai, men í juni og juli var vøkstur, og meiri enn 120 milliónir krónur vórðu goldnar í lønum í fiski- og alivinnuni í juli. </div><div><br></div><div>Hinvegin hava byggivinnan og privatar tænastur staðið í stað seinasta hálva árið. Byggivinnan rindar umleið 70 milliónir krónur í lønum um mánaðin, og tænastuvinnurnar rinda áleið 195 milliónir. Almennar tænastur rinda nú umleið 215 milliónir krónur í lønum um mánaðin, og tað er eitt vet meiri enn fyri hálvum ári síðani, sigur Hagstovan.</div><div><br></div><div>Í februar var verkfall, sum hevði við sær, at almennu lønirnar vóru færri enn vanligt.</div><div><br></div><div><br></div><div><br></div><div><br></div>