Íslendsk sjófólk eru undir FAS

Íslendska altjóða skipaskrásetingin riggar ikki, og tí eru íslendsk farmaskip skrásett aðrastaðni, m.a. í FAS

Fleiri íslendsk farmaskip eru skrásett í FAS.

15.08.2012 - 12:05

<div>Íslendsk sjófólk rinda skatt í Føroyum, hóast tey sigla við íslendskum farmaskipum og fáa hýru í íslendskum krónum.</div><div><br></div><div>Lógin um íslendska altjóða skipaskráseting virkar ikki. Og tí gjalda íslendskir sjómenn skatt í Føroyum. Tað skrivar íslendska Morgunblaðið.</div><div><br></div><div>Fyri skip, sum eru skrásett í FAS, Føroysku altjóða skipaskránni, hevur verið galdandi síðani 2009, at sjófólkið rindar føroyska landskassanum 35 prosent í skatti. Síðani fær reiðaríið tey 35 prosentini aftur frá landskassanum.  </div><div><br></div><div>Skipini hjá Samskipum, sum sigla millum Ísland og havnir í Evropa, eru skrásett í FAS. Skipini hjá Eimskipum eru skrásett í Antigua og Barbuda í Karibiahavi. </div><div><br></div><div>Bæði skipafeløgini hava dótturfeløg í Føroyum.  </div><div><br></div><div>Morgunblaðið skrivar, at lógin um íslendska altjóða skipaskrá riggar ikki. Tí eru íslendsku farmaskipini skrásett í øðrum londum. </div><div>   </div><div><br></div>