- Tíðindi, mentan og ítróttur
Makrelstovnurin framvegis væl fyri
<div>Hóast strandalondini í fleiri ár hava fiskað meira enn tilmælini frá fiskifrøðingunum, so er makrelstovnurin í Norðuratlantshavi kortini væl fyri. Tað staðfesta nýggjastu, felags kanningarnar hjá ICES, sum Noreg, Ísland og Føroyar gjørdu við yvirlitstrolingum í summar. </div><div><br></div><div>Meðan tilráðingin frá ICES síðstu árini hevur verið at fiska í mesta lagi 650.000 tons av makreli, so hevur trætan millum strandalondini havt við sær, at nógv meira er fiskað, tilsamans umleið ein millión tons um árið. </div><div><br></div><div><b>Hækka ikki tilmælið</b></div><div><br></div><div>Hóast stovnurin sambært nýggjastu ICES-kanningunum ikki er minkaður av hesi ovurfisking, so fer ICES neyvan at hækka sítt tilmæli um mest loyvdu veiði, TAC, næsta ár, metir Jan Arge Jacobsen, fiskifrøðingur.</div><div><br></div><div>Úrslitið av felags kanningunum verður lagt fram í London fyrrapartin. Hetta eru kanningar, ið verða brúktar sum grundarlag undir endaligu stovnsmetingunum og tilráðingum fyri fiskiskapin næsta ár. Endaligu tilmælini verða ikki liðug fyrr enn í oktober.</div><div><br></div>
