- Tíðindi, mentan og ítróttur
Ákæruvaldið kærir ikki dómin
<p>Norska ákæruvaldið fer seinni í dag at kunngera, at tað fer ikki at kæra dómin, sum hópdrápsmaðurin, Anders Behring Breivik, fekk í rættinum í Oslo fyrrapartin. </p><div>Tað skrivar Aftenposten. </div><div><br></div><div>Sostatt kemur dómurin um 21 ára fongsul longu í gildi í dag. Verjarnir hjá Breivik hava sagt, at teir kæra ikki, tí dómurin staðfestir, at Breivik var við sítt fulla vit, tá hann framdi atsóknirnar 22. juli í fjør. Og tað er júst tað, sum Breivik ynskti, at dómurin segði.</div><div><br></div><div><b>Kann fáa lívstíð</b></div><div><br></div><div>At Anders Behring Breivik er dømdur 21 ár í "forvaring," sum tað eitur á rættarmáli, merkir, at hann í prinsippinum kann sita í fongsli fyri lívið. Lívlong fongsulsrevsing er ikki í gildi í Noregi longur. Útgangsstøðið er 21 ár, men longu um 10 ár skal dómurin metast av nýggjum. Síðani kann revsingin verða longd í óavmarkaða tíð, men fimm ár í senn. </div><div><br></div><div>Ákæruvaldið hevur tvær vikur at umhugsa, um dómurin skal kærast, men Aftenposten skrivar, at ákæruvaldið fer longu seinni í dag at kunngera, at dómurin verður ikki skotin inn fyri hægri rætt.</div><div><br></div>
