Skúladepilin 155 mió. kr. dýrari enn mett

Tilboðini vórðu latin upp seinnapartin, og nú verður ein spariætlan sett í verk, sigur stjórin á Landsverki

Nú er greitt, at skúladepilin í Marknagili verður 155 mió. kr. dýrari enn mett. Tí verður neyðugt at seta skarva av byggiætlanini.

Uni L. Hansen

Johnsigurd Johannesen

28.08.2012 - 17:03

<div>Skúladepilin í Marknagili í Havn - Føroya størsta byggiætlan nakrantíð - verður 155 mió. kr. dýrari enn mett. Tað varð staðfest, tá tilboðini upp á skúladepilin á Marknagili vórðu latin upp á Landsverki í dag. </div><div><br></div><div>- Meirkostnaðurin er størri, enn vit høvdu væntað, ásannar Ewald Kjølbro, stjóri í Landsverki, sum nú setir eina spariætlan fyri byggingina av skúladepilinum á Marknagili í verk. </div><div><br></div><div><b>TG-Verk lægstu boðini</b></div><div><br></div><div>Íslendska fyritøkan TG-Verk átti lægsta boðið upp á allar stær stórur entreprisurnar: jørð, kloakk, betong og stálarbeiði, innilokanina, innrættingina og múrararbeiði. TG-Verk skal eisini samskipa sjálvt byggiplássið. </div><div><br></div><div>Articon átti hinvegin lægsta boðið upp á lendisarbeiði, El Team Vest lægsta boðið upp á el-arbeiði, Demich upp á HVS, luftskipanir og annað, og Anskar Hansen hevði lægsta boðið upp á málaraarbeiði. </div><div><br></div>