Makrelurin á ríkisfundi

Nú makrelur er komin í grønlendskan sjógv, vilja grønlendingar eisini hava burturav

Teir tríggir leiðararnir í ríkisfelagsskapinum umrøddu eisini makrelin á ríkisfundinum í síðstu viku.

03.09.2012 - 16:42

<p>Makrelspurningurin varð umrøddur á ríkisfundinum í Grønlandi í síðstu viku, men komið var ikki til nakra niðurstøðu, sigur grønlendska kringvarpið, KNR.</p><div><br></div><div>Kuupik Kleist, landsstýrisformaður, sigur seg vóna, at Danmark sum ES-limaland kann finna eina loysn, sum Føroyar og Grønland eisini kunnu góðtaka.</div><div><br></div><div><b>Felags støða </b></div><div><br></div><div>- Vit hava tosað um møguleikarnar hjá øllum trimum pørtum í ríkisfelagsskapinum at hava felags støðu í makrelspurninginum, so Føroyar sleppa undan tiltøkum, og at Grønland eisini fær rættindi at fiska makrel í egnum sjógvi, sigur Kuupik Kleist við grønlendska kringvarpið.</div><div><br></div><div>Veðurlagsbroytingarnar hava við sær, at makrelur er komin í grønlendskan sjógv, og tí er Grønland eisini vorðið partur av makrelósemjuni. Grønlendingar vilja eins og føroyingar og íslendingur fáa lut í makrelinum, sigur KNR. </div><div><br></div><div><b>Fundur í London</b></div><div><br></div><div>Í dag er fundur á hægsta stigi í London um makrelbýtið, og sambært norska Fiskeribladet/Fiskaren er ES farið at leggja trýst á hini starndalondini um at gera eina semju.</div><div><br></div>