Ferðamannaskip bar við kaðalar hjá SEV

Jewels of the Seas bar við loftspennið tvørtur um Leirvíksfjørð, og tað gjørdi, at streymveitingin í Norðoyggjum fór eina løtu

Masturin við signalljósum á Jewel of the Seas brotnaði, tá skipið bat við kaðalarnar hjá SEV. Skipið liggur í Norðhavnini í Klaksvík.

Ingi Samuelsen

Johnsigurd Johannesen

06.09.2012 - 13:42

<div>Risastóra ferðamannaskipið Jewels of the Seas, sum vitjar í Norðhavnini í Klaksvík í dag, bar við kaðalarnar hjá Sev tvørtur um Leirvíksfjørð, tá skipið kom um átta-tíðina í morgun.</div><div><br></div><div>Heimasíðan hjá Sev skrivar í dag, at skipið bar við 60 KiloVolt loftspennið um fjørðin. Hetta gjørdi, at streymveitingin til Norðoyggjar var burtur í nakrar minuttir. Fólk frá Sev kanna í løtuni linjurnar.</div><div><br></div><div><b>Eingir trupulleikar fyrr</b></div><div><br></div><div>Jewels of the Seas hevur fyrr siglt gjøgnum Leirvíksfjørð uttan trupulleikar. Sambært galdandi kortum, er fríhæddin upp til linjurnar 60 metrar. Jewels of the Seas er millum 53 og 54 metrar høgt.</div><div><br></div><div>Ovasti partur av sonevnda jólatrænum á skipinum, tað er masturin við signalljósum, er brotnað.</div><div><br></div><div>Skipið heldur kortini leiðina fram sum ætlað í kvøld klokkan seks við kós móti Íslandi. Og tá verður siglt norður gjøgnum Djúpini, har ongar Sev-linjur eru.</div><div><br></div>