- Tíðindi, mentan og ítróttur
Grønland og Suðurkorea gjørt fleiri avtalur
<p>Grønland og Suðurkorea hava gjørt avtalu um samstarv á fleiri økjum.</p><div><br></div><div>Suðurkoreanski forsetin, Lee Myung-Bak, hevur verið á vitjan í Grønlandi og havt samráðingar við grønlendska landsstýrisformannin, Kuupik Kleist.</div><div><br></div><div>Eitt skjal, sum varð undirskrivað, staðfestir, at Grønland og Suðurkorea skulu styrkja samstarvið á ráevnisøkinum, m.a. við gransking og sínámillum kunning. Avtalan, sum tó ikki er løgfrøðiliga bindandi, er galdandi í trý ár. </div><div><br></div><div><b>Grønland styrkt sína støðu</b></div><div><br></div><div>Nuna Mineals hevur gjørt avtalu við almenna námsfelagið Korea Resources Corporation, og jarðfrøðiligu stovnarnir í Danmark og Grønlandi hava gjørt avtalu við koreanska jarðisfrøðistovnin.</div><div><br></div><div>Kuupik Kleist, landsstýrismaður, sigur eftir toppfundin, at hetta er byrjanin til eitt nýtt, søguligt samband við eina av heimsins størstu ídnaðartjóðum. At suðurkoreanski forsetin hevur vitjað Grønland, vísir, at Grønland hevur styrkt sína uttanríkispolitisku støðu, sigur hann.</div>
