Seta vatntangar upp við Norðskálatunnilin

Gamli brandbilurin við streymin tekur bara 1200 tons av vatni, og tí verða tangar settir upp við báðar tunnilsmunnarnar

Vatntangar verða nú settar upp við báðar munnarnar í Norðskálatunlinum at vera tøkir, um eldur kemur í.

17.09.2012 - 14:53

<div>Landsverk er í ferð við at seta upp vatntangar uttan fyri báðar tunnilsmunnarnar í Norðskálatunlinum, ið skulu tryggja, at nóg mikið av vatni er tøkt, um eldsbruni tekur seg upp inni í tunnlinum.</div><div><br></div><div>Hetta hevur beinleiðis samband við gamla sløkkiliðsbilin á Oyrarbakka, ið tekur ov lítið til at klára at sløkkja ein eldsbruna inni í tunnlinum.</div><div><br></div><div><b>Tekur bara 1200 tons</b></div><div><br></div><div>Tilbúgvingarætlanin fyri tunnilin sigur, at bilurin skal taka í minsta lagi 3000 tons av vatni, tí einki vatn er lagt í tunnlin. Gamli brandbilurin við Streymin tekur einans 1200 tons.</div><div><br></div><div>Heini Eysturoy, leiðari á deildini fyri undirstøðukervi hjá Landsverki, sigur, at teir nú gera eina loysn fyri at útvega nóg nógv vatn í sambandi við eldsbruna. Landsverk setur upp tveir vatntangar, 10 rúmmetrar hvør, sum sløkkiliðini báðu megin tunnilin kunnu brúka, tá eldur verður sløktur. </div><div><br></div><div>Tangarnir taka vatn úr áunum har um leiðir. Vatnið í tangunum skal eisini brúkast til reingerðararbeiði inni í tunlinum, sigur Heini Eysturoy.</div><div><br></div>