Rætturin kunnger úrskurð um hjáveiðu í morgin

Stjørnan og Smaragd eru lagdir í fýra vikur, og Jaspis og Ametyst eru lagdir í tvær vikur

Stjørnan og Smaragd eru lagdir í fýra vikur, tí ov nógv sild var uppi í makrelveiðini.

20.09.2012 - 12:28

<div>Á middegi í morgin fer Føroya rættur at kunngera úrskurðin um avgerðina hjá Fiskiveiðueftirlitinum at leggja trolararnar Stjørnuna og Smaragd í fýra vikur. Føroya rættur viðgjørdi málið seinnapartin í gjár. Reiðaríið, JFK Trol, kærdi avgerðina hjá Fiskiveiðueftirlitinum.</div><div><br></div><div>Skipini eru løgd, tí tey fyri einari viku síðani høvdu alt ov nógva sild sum hjáveiðu, tá tey fiskaðu makrel. Tveir aðrir ísfiskstrolarar, Jaspis og Ametyst hjá P/F Ametyst í Havn, eru eisini lagdir. Teir eru lagdir í tvær vikur.</div><div><br></div><div>P/f Ametyst hevur eisini kært, men tað málið er ikki viðgjørt í rættinum enn.</div><div><br></div><div>   </div>