- Tíðindi, mentan og ítróttur
Samráðingar um farstøðina um at vera lidnar
<div>Nú líður so væl við samráðingunum um at fáa prísin á nýggju farstøðini á flogvøllinum niður, at seinasti fundurin um tað verður seinnapartin í morgin. Og mánamorgunin verður úrslitið lagt fyri nevndina í P/f Vága Floghavn.</div><div><br></div><div>Tað sigur Jákup Sverri Kass, stjóri í Vága Floghavn. </div><div><br></div><div><b>102 mió. kr. at byggja fyri</b></div><div><br></div><div>Vága floghavn hevur 102 milliónir krónur at byggja fyri. Men lægsta tilboðið, sum Articon eigur, er 125 milliónir. Samráðingar hava verið við byggifelagið um at fáa prísin niður. Tað verður gjørt við at brúka annað byggitilfar enn upprunaliga ætlað.</div><div><br></div><div>Jákup Sverri Kass sigur, at talið er nú tætt við 102 milliónir. Vága floghavn ætlar ikki at biðja um fleiri pengar til farstøðina. Hon skal ikki kosta meira enn 102 milliónir. </div><div><br></div><div><b>Ógreitt við dynamittinum</b></div><div><br></div><div>Enn er ikki greitt, hvussu Vága floghavn fær aftur tær 27 milliónirnar, sum felagið hevur brúkt til at fáa beint burtur gamla dynamittið við flogvøllin. Tað arbeiðið er um at vera liðugt nú. </div><div><br></div><div>Í mai boðaði Johan Dahl, landsstýrismaður, frá, at hann hevði biðið danska ferðslumálaráðharran um at fáa loyvi frá fólkatinginum um at taka pengarnar úr Íleggingargrunninum. Haðani eru pengarnir tiknir til útbyggingina á flogvøllinum.</div><div><br></div><div><b>Stevna statinum</b></div><div><br></div><div>Nú fýra mánaðir seinni eru eingir pengar komnir. Ein annar møguleiki, sum er nevndur, er at stevna byggifelagnum E. Phil & Søn, sum útbygdi flogvøllin síðst í sjeytiárunum, eftir pengunum. Men tað ber neyvan til, tí fyrningarfreistin er langt síðani farin.</div><div><br></div><div>Hin møguleikin er at stevna danska statinum fyri at lata føroyingar flogvøllin, uttan at heimastýrið visti nakað um fjalda spreingievnið. Flogvøllurin varð yvirtikin í 2008, so fyrningarfreistin er til næsta ár.</div><div><br></div><div><br></div><div><br></div><div><br></div><div><br></div><div><br></div><div><br></div>
