- Tíðindi, mentan og ítróttur
Løgmaður verið á boripallinum
<div>Vitjanin hjá løgmanni og landsstýrismanninum í oljumálum á boripallinum Cosl Pioneer hevur sett ferð á gitingarnar um, hvussu tað gongur hjá Statoil at finna olju á Brugdan 2 leiðini.</div><div><br></div><div>Fríggjadagin í síðstu viku vitjaðu Kaj Leo Holm Johannesen og Johan Dahl umborð á Cosl Pioneer saman við stjóranum fyri Statoil, Rúna M. Hansen.</div><div><br></div><div>- Teir ynsktu at síggja pallin og viðurskiftini umborð, og tað ynskið var gingið á møti, sigur Rúni M. Hansen, sum leggur dent á, at meira skal ikki leggjast í vitjanina.</div><div><br></div><div><b>Hava borað síðani 17. juni</b></div><div><br></div><div>Statoil fór undir at bora 17. juni í ár. Tá metti felagið, at tað fór at taka millum fýra og fimm mánaðir, til úrslitið av boringini varð greitt.</div><div><br></div><div>- Arbeiðið gongur eftir ætlan, og tíðarætlanin heldur, er einasta viðmerkingin frá Rúna M. Hansen.</div><div><br></div><div>Cosl Pioneer verður á føroyska landgrunninum til einaferð í november mánaða. Talan er um størstu, einstøku verkætlan í føroyskari søgu. Royndarboringin, har Statoil er fyristøðufelag, er samanlagt mett at kosta um eina milliard krónur. </div><div><br></div>
