- Tíðindi, mentan og ítróttur
Aling: Uppskotið ger størri skaða enn gagn
<div>- Lógaruppskotið byggir á tjóðskaparligar og politiskar hugsjónir, og endamálið er at verja alivinnuna. Men lógaruppskotið fer at gera alivinnuni nógv størri skaða enn gagn.</div><div><br></div><div>Tað sigur Felagið Peningastovnar um ætlanina hjá landsstýrinum at avmarka útlendska eigaraskapin í alivinnuni.</div><div><br></div><div>Felagið Peningastovnar var millum teirra, sum tóku av, tá Vinnumálaráðið sendi uppskotið til hoyringar, eftir at tað var lagt fram í tinginum. Felagið sigur, at áhugin at seta pengar í føroysku alivinnuna fer at minka, tá eingin útlendingur kann eiga meira enn 30 prosent. Partabrøvini verða minni umsetilig. </div><div><br></div><div><b>Torførari at endurreisa feløg</b></div><div><br></div><div>Tað verður eisini torførari hjá peningastovnunum at vera við til at endurreisa kreppurakt alifeløg, um peningastovnarnir noyðast at gerast eigarar, tí útlendingar ikki sleppa at keypa og eiga meira enn eitt vist í føroyskum alibrúkum. </div><div><br></div><div>Lógaruppskotið hjá Johan Dahl, landsstýrismanni, kom í tingið 9.august, og lógarbroytingarnar skulu vera galdandi frá tí degi. Alivinnan hevur nú í seks vikur ikki vitað, hvat er galdandi lóg viðvíkjandi útlendskum eigaraskapi. Og hon noyðist at geva tol í nakrar vikur afturat.</div><div><br></div><div>Málið er í Vinnunevndini. Hon hevur fund í morgin. Tá hevur nevndin biðið millum annað Felagið Peningastovnar koma at greiða frá sínari støðu. </div><div><br></div><div><br></div><div><br></div>
