- Tíðindi, mentan og ítróttur
Makrelurin: Landskassin væntar 80 mió. kr.
<div>Landsstýrið væntar at fáa 80 milliónir krónur í landskassan burtur úr makrelfiskiskapinum í ár.</div><div><br></div><div>Í uppskotinum um eykajáttanarlóg, sum landsstýrismaðurin við fíggjarmálum í dag legði fyri løgtingið, verða 80 milliónir krónur inntøkuførdar sum gjald í landskassan í sambandi við makrelfiskiskapin.</div><div><br></div><div>Mett verður, at veiðigjaldið í ár gevur landskassanum umleið 40 milliónir krónur í inntøku. Sambært uppskotinum verður mett, at makrelveiðan í ár verður100.000 tons í ár. Harafturat verður roknað við 40 milliónum í avreiðingargjaldi.</div><div><br></div><div><b>20.000 tons til móttøkuskip</b></div><div><br></div><div>Roknað verður við, at 20 prosent av veiðini í ár - tað eru 20.000 tons - verða latin móttøkuskipum undir fremmandum flaggi. Her skal gjaldast eitt avreiðingaravgjald upp á 2 krónur fyri kilo.</div><div><br></div><div>Í uppskotinum verður størsta fyrivarni tikið fyri mettu inntøkunum av bæði veiðigjaldi og avreiðingargjaldi. Fíggjarmálaráðið skrivar, at metingin um, at 20 prosent av veiðini verða latin móttøkuskipum undir fremmandum flaggi, er grundað á veiði- og framleiðslumynstrið í 2011 og higartil í ár.</div><div><br></div><div><b>Helst nógv minni</b></div><div><br></div><div>Veruleikin er helst langt frá metingini. Útvarpið kundi fríggjadagin staðfesta við tølum frá Fiskiveiðieftirlitinum sum grundarlag, at útlendsk móttøkuskip høvdu keypt 3.800 tons av makreli, og tað svararr til 7,6 milliónir krónur í avreiðingargjaldi.</div><div><br></div>
