- Tíðindi, mentan og ítróttur
Kostar hálva milliard at reka Tórshavnar kommunu
<div>Tað fer at kosta eina góða hálva milliard at reka Tórshavnar kommunu næsta ár. Og íløgur skulu gerast fyri knappliga 100 milliónir krónur. Uppskotið um fíggjarætlan hjá Tórshavnar kommunu fyri 2013 varð lagt fram á býráðsfundi í gjárkvøldið. </div><div><br></div><div>Uppskotið javnvigar við 613 mió. kr. Raksturin kostar 507 milliónir og íløgur skulu gerast fyri 98 milliónir. Harafturat skulu tíggju milliónir brúkast til íløgur. Hetta eru pengar, sum eru játtaðir undanfarin ár, men ikki brúktir.</div><div><br></div><div><b>Brúgv um Sandá og Tórsvøllur</b></div><div><br></div><div>Størstu íløgurnar næsta ár eru brúgvin um Sandá, 25 milliónir, Tórsvøllur 10 milliónir og nýggjur ketil á brennistøðini 10 milliónir. Níggju milliónir verða goldnar í rentum og 17 milliónir í avdráttum í 2013. </div><div><br></div><div>Tórshavnar kommuna væntar at fáa 613 mió. kr. í skatti næsta ár. Kommunan skyldar í dag 145 mió. kr. Men samtykt er at læna hálvthundrað milliónir. Tá árið 2012 endar, verður lánibyrðan hjá høvuðsstaðnum 184 milliónir. </div><div><br></div><div><br></div><div><br></div><div><br></div><div><br></div>
