- Tíðindi, mentan og ítróttur
Danska stjórnin helst umskipað í morgin
<p>Tey sótu á fundi í 11 tímar í gjár, og í dag hava donsku stjórnarflokkarnir aftur fund á Marienborg.</p><div><br></div><div>Sosialistiski Fólkaflokkurin fekk nýggja forkvinnu leygardagin. Annette Vilhelmsen, sum fekk tveir triðingar av atkvøðunum og vann dyggiliga á Astrid Krag, boðaði undir valstríðnum upp undir formansvalið frá, at hon góðtók samgonguskjalið, men hon ætlaði at "bjóða tí av," sum hon tók til.</div><div><br></div><div><b>Holger K. vorðin høgra hond</b></div><div><br></div><div>Í gjár fór Annette Vilhelmsen á fund við Helle Thorning-Schmidt, forsætisráðharra, og stutt eftir boðsend i nýggja forkvinnan í SF Holger K. Nielsen á fund. Hann er eftir øllum at døma høgra hond hjá Annette Vilhelmsen, og nógv bendir á, at hann fær eisini fær ein ráðjarrasess.</div><div><br></div><div>Danskir miðlar skriva seinnapartin, at stjórnin væntandi verður umskipað í morgin. Ið hvussu er verða tvær broytingar í stjórnini, báðar í SF. </div><div><br></div><div>Annette Vilhelmsen verður væntandi vinnu- og vakstrarmálaráðharri eftir Ole Sohn, sum fer úr stjórnini. Og væntandi verður Holger K. Nielsen skattamálaráðharri eftir Thor Møger Petersen, sum eisini fer úr stjórnini.</div><div><br></div><div><b>Tosa eisini um samgonguskjalið</b></div><div><br></div><div>Hans Engell, viðmerkjari, sigur við Politiken, at ætlanin var, at umboðini fyri stjórnarflokkarnir skuldu heilsa upp á hvør annan, skifta orð um fíggjarlógina og hvør skal manna ráðharraessirnar,</div><div><br></div><div>- Men tað tykist, sum samgonguskjalið eisini er til viðgerðar, og tað høvdu hvørki sosialademokratarnir ella tey radikalu hugsað sær, sigur Hans Engell.</div><div><br></div><div>Keldur, sum hava samband við samráðingarnar á Marienborg, vísa tó aftur í Politiken, at samráðingarnar draga út, tí ósemja er millum nýggju forkvinnuna í SF og hinar báðar stjórnarflokkarnar. <br><br>Annette Vilhelmsen hevur ongar viðmerkingar. </div>
