- Tíðindi, mentan og ítróttur
Annette og Holger K. nýggir ráðharrar
<p>Tveir nýgir ráðharrar hava tikið sæti í stjórnini hjá Helle Thorning-Schmidt, forsætisráðharra.</p><div><br></div><div>Fyrrapartin vóru Anne Vilhelmsen, nýggja forkvinnan í SF, og Holger K. Nielsen hjá drotningini á Amalienborg. Annette Vilhelmsen verður nýggjur vakstrar- og vinnumálaráðharri. Hon tekur við eftir Ole Sohn, sum fer úr stjórnini. </div><div><br></div><div>Holger K. Nielsen verður nýggjur skattamálaráðharri eftir Tor Møger Pedersen, sum eisini fer úr stjórnini. </div><div><br></div><div><b>Hevur sett nýtt lið</b></div><div><br></div><div>Tað varð longu greitt eftir formansvalið í SF leygardagin, at nýggja forkvinnan fór at manna eitt øðrvísi lið. Ole Sohn boðaði fríggjadagin frá, at hann fór at leggja frá sær sum ráðharri, og at hann gevst í politikki, tá hetta valskeiðið er av. </div><div><br></div><div>Tí varð beinan vegin gitt, at Annette Vilhelmsen fór at gerast nýggju vakstrar- og vinnumálaráðharri. Hon hevur m.a. verið framsøgukvinna í vinnumálum í fólkatinginum. Hinvegin var tað eitt sindur óvæntað, at Holger K. Nielsen skuldi avloysa Tor Møger Pedersen. </div><div><br></div><div>Sum skilst er hann vorðin høgra hond hjá nýggju forkvinnuni í SF, tí hann hevur seinastu dagarnar verið við til samráðingarnar við hinar báðar stjórnarflokkarnar saman við Annette Vilhelmsen. Holger K. Nielsen var formaður í SF í 14 ár, til Villy Søvndal tók við í 2005. Hetta er fyrstu ferð, at Holger K. Nielsen verður ráðharri.</div>
