- Tíðindi, mentan og ítróttur
Føroyskar fyritøkur skrásetast á Kina-lista
![](https://kvf.fo/sites/default/files/styles/grein-ovasta-mynd/public/a9f1796b0fbe69b03481b2ea57ae2475.png?itok=8s3brOM1)
<div>Føroyskar fyritøkur, sum ætla at selja matvørur í Kina, skulu skráseta seg á einum serligum lista.</div><div><br></div><div>Heilsufrøðiliga Starvsstovan hevur sent øllum løggildum fiskavirkjum, frostgoymslum, frystiskipum og verksmiðjuskipum bræv, har hon kunnar um treytirnar at útflyta vørur til Kina.</div><div><br></div><div><b>Binda seg til kinesiska lóg</b></div><div><br></div><div>Virkir, sum vilja sleppa á Kina-listan, skulu m.a. binda seg til at halda kinesiska lóggávu innan matvørutrygd. </div><div><br></div><div>Heilsufrøðiliga Starvsstovan sigur, at danska sendistovan í Beijing metir, at tað er lættast at koma á listan nú, hann verður sendur avstað fyrstu ferð, heldur enn at bíða eftir eini seinni dagføring.</div><div><br></div><div>Freistin at skráseta seg á Kina-listanum er 6. november, t. e. um góðar tvær vikur. Heilsufrøðiliga Starvsstovan ger listan og sendir hann til Kina. </div><div><br></div>