Ikki nóg góð útgerð at basa oljudálking

Kári P. Højgaard, landsstýrismaður, hevur í dag kunnað seg útgerðina, sum er í landinum

Kári P. Højgaard, landsstýrismaður, varð í dag kunnaður um útgerðina, sum er í landinum, at basa oljudálking.

23.10.2012 - 16:05

<p>Kári P. Højgaard, landsstýrismaður í innlendismálum, sigur, at tørvur er á betri útgerð at verja náttúruríkidømið kring Føroyar fyri oljudálking á sjónum.</p><div><br></div><div>Landsstýrismaðurin kunnaði seg í dag um útgerðina, sum er í landinum. Fiskiveiðieftirlitið og Landsverk sýndu útgerðina fram og greiddu frá, hvat hon hóskar seg til. Landstilbúgvingin er ikki serútgjørd til at handfara dálking, ið stendst av tungolju. Greitt varð eisini frá, hvat slag av útgerð tørvur er á til eina hóskandi oljutilbúgving, ið eisini leggur upp fyri føroyska veðurlagnum.</div><div><br></div><div><b>LBF</b></div><div><br></div><div>Landsfelagið fyri Bjargingarfeløgini, LBF, kunnaði eisini landsstýrismannin um nýggja radiosamskiftisbilin, sum felagið bjóðar almennu myndugleikunum at brúka, tá ein tilbúgvingarstøða tekur seg upp.</div><div><br></div><div>Kári P. Højgaard ásannar, at landið stendur ikki á berum, men tørvur er á meiri og betri hóskandi útgerð at basa oljudálking, eisini til tess at røkja skyldur Føroya í norðurlendska og arktiska tilbúgvingarsamstarvinum. Landsstýrismaðurin sigur seg vilja arbeiða fyri at fáa játtan til endamálið á fíggjarlógina. </div><div><br></div><div><br></div>