- Tíðindi, mentan og ítróttur
Nýggjur ketil gevur meiri fjarhita
<div>Nýggi ketilin verður so effektivur, at meira verður til Fjarhitafelagið, so nógv, at tað svarar til heitt vatn til 200 sethús.</div><div><br></div><div>Brennistøðan á Hjalla skal hava nýggjan ketil fyri 30 mió. kr.</div><div><br></div><div>Sáttmáli er gjørdur við Boilerworks um nýggjan ketil. Ketilin á Hjalla verður skiftur í apríl og mai næsta ár. Í umbyggingartíðini, sum verður okkurt um seks vikur, verður ruskið ballað og lagt á goymslu, so ruskinnsavningin og móttøkan av ruski verður ávirkað sum minst.</div><div><br></div><div><b>26 ára gamal</b></div><div><br></div><div>Ketilin á Hjalla er 26 ára gamal. Hann er vorðin slitin, og tað hevur elvt til ymsar trupulleikar seinastu árini. </div><div><br></div><div>Sambært býráðnum fær Fjarhitafelagið eisini gagn av nýggja ketlinum, tí felagið fær tíggju prosent meira hita frá Brennistøðini. Tað svarar til hitanýtsluna hjá 200 sethúsum. </div><div><br></div>
