Fiska aftur makrel í grønlendskum sjógvi

Hóast Grønland als ikki telur við sum strandarland, og tí heldur ikki er við, tá strandarlondini býta makrelin, verður makrelur aftur í ár fiskaður í grønlendskum sjógvi.

 

Íslendska fiskivinnublaðið Fiskifréttir veit at siga, at fýra skip eru á makrelfeltinum eystan fyri Grønland, tvey grønlendsk og tvey kinesisk. Og fleiri skip eru væntandi hagar. Polar Amaroq, sum íslendingar eiga triðingin av, er komið á fiskileið í grønlendskum sjógvi . 

 

Einasta grønlendska uppsjóvarskipið, Erika, varð selt til Afrika fyrr í ár. Í staðin fyri keypti reiðaríið, East Greenland Codfish, sum nú eitur Polar Pelagic, eitt størri skip úr Noregi. Tað var Eros, sum nú eitur Polar Amaroq.  Skiparin á Polar Amaroq er íslendingur. 

 

Møguliga fara íslendsk skip eisini at fiska makrel í íslendskum sjógvi.