Vestmenningur keypir Vágaportalin

Vágaportalurin er seldur - til Vestmanna.

Smápartafelagið 1.oktober 1997 hjá Gunnari Skúvadal, journalisti í Vestmanna, eigur og rekur nú Vágaportalin. Men Ólavur í Beiti í Sørvági, sum stovnaði Vágaportalin og átti hann, heldur fram sum ábyrgdarblaðstjóri.

Avtalan við nýggja eigaran er, at hann heldur fram á Vágaportalinum í tvey ár.

Ólavur í Beiti stovnaði Vágaportalin 12. desember 2007.

Vágaportalurin er væl vitjaður. Har eru fleiri enn 20.000 brúkarar um samdøgrið.