Fáa triðja Airbussin um mánaðarskiftið

Um mánaðarskiftið fær Atlantsflog enn eitt Airbus-flogfar í flotan.

Triði Airbussurin er leigaður frá einum leasing-felagi í Írlandi, og verður í løtuni málaður.

Magni Arge, stjóri í Atlantsflogi, sigur við Dimmalætting, at flogfarið skal bæði nýtast í Føroya-flúgvingini og at flúgva leiguferðir fyri onnur. Fyribils fer tað at flúgva fyri danska ferðavinnufelagið Atlantis.

Selja gomlu flogførini

Nú Atlantsflog fer at hava trý Airbus-flogfør, ætlar felagið at selja annað av teimum gomlu flogførunum, sum eru eftir í felagnum. Fyrr í ár seldi Atlantsflog eitt gomlu flogførunum til Kili, og kilenar hava víst áhuga fyri at ogna sær eitt afturat, sigur Magni Arge við Dimmalætting.

Væntandi verður sølusáttmáli gjørdur seinni í ár.