Fleiri feløg samráðast um sáttmála

Lønardeildin í Fíggjarmálaráðnum er í samráðingum við fleiri fakfeløg um nýggjan sáttmála fyri teir sum fóru úr gildi 1. oktober.

Átta feløg hava sagt sáttmálan upp, og skulu samráðast við Fíggjarmálaráðið.

Gongd er í samráðingunum við Felagið Føroyskir Sjúkrarøktarfrøðingar, og næsti fundur verður 24. oktober.

Samráðingarnar við handverkarafelagið byrja fyrsta dagin.

Samráðingarnar við Lærarafelagið eru byrjaðar, og í dag sita partarnir saman í fíggjarmálaráðnum.

Samráðingarnar við Føroya Musikklærarafelag eru eisini byrjaðar.

Pedagogfelagið fer aftur á fund í morgin, eftir at partarnir seinast í farnu viku fóru hvør til sítt, tí ósemja stakk seg upp. Partarnir vilja einki siga, soleingi samráðingar eru.

Samráðingarnar við Føroyar Skipara- og Navigatørfelag og Maskinmeistarafelagið eru eisini byrjaðar.

Havnar Arbeiðskvinnufelag hevur sagt sáttmálan um og tær samráðingarnar verða fyrsta dagin, sigur Súsanna Nolsøe, fulltrúi á lønardeildini í Fíggjarmálaráðnum.